A Asociación Euroeume, realizou durante esta semana o marcado das primeiras canais de carne certificadas coa Marca de Garantía “Produto do Eume” destinadas a súa comercialización.

O presidente de EuroEume fixo entrega da autorización de uso da Marca de Garantía a AAVV do Monte Forgoselo o pasado 17 de Outubro nun acto de presentación na Capela (A Coruña).

O 4 de outubro aprobouse a primeira concesión de uso da Marca "Produto do Eume" a AAVV Monte Forgoselo.

Este informe favorable é necesario para que a asociación promotora desta marca poida rexistrala na Oficina Española de Patentes e Marcas. Así llelo comunicou a Directora Xeral de Gandeiría, Agricultura e Industrias Agroalimentarias, Belén do Campo, aos responsables da Asociación Euroeume, promotora desta iniciativa. Este colectivo será o titular e responsable desta nova marca, que ten como finalidade achegar ao consumidor produtos ou servizos de calidade autorizados por Euroeume, así como facer promoción deles, promovendo o seu prestixio e imaxe.

A aula comedor do IES Fragas do Eume de Pontedeume acolleu onte o acto de presentación de marca “Produto do Eume” que a asociación Euroeume promove en colaboración coa Deputación da Coruña, e a cuxa rede de “embaixadores” súmase agora o centro educativo a través dun convenio para apoiar o proceso de difusión da marca.